മലയാളികളുടെ എക്കാലത്തെയും പ്രിയ നടിമാരിൽ ഒരാളായിരുന്ന താരമാണ് സുഹാസിനി. 80 കളിലെ നിറസാന്നിധ്യമായിരുന്ന ഈ താരത്തിന്റെ ഏതൊരു ചിത്രവും ആരാധകർക്ക് വളരെ പ്രിയങ്കരമാണ്. തന്റെ ശാലീന സൗന്ദര്യം കൊണ്ടും പുഞ്ചിരി കൊണ്ടും അതിലുപരി അഭിനയം കൊണ്ടും മലയാളികളുടെ മനം കവരാൻ താരത്തിന് സാധിച്ചു. തെലുങ്ക്, കന്നട, തമിഴ്, മലയാളം തുടങ്ങി ഒട്ടനേകം സിനിമകളിൽ അഭിനയിച്ച ഈ താരം നിരവധി ആരാധകരെയാണ് സ്വന്തമാക്കിയിരിക്കുന്നത്.
സമൂഹ മാധ്യമങ്ങളിൽ വളരെ സജീവമായ ഈ താരത്തിന്റെ ഏതൊരു വാർത്തയും ആരാധകർക്ക് ഇടയിൽ വളരെയധികം പ്രചാരം ലഭിക്കാറുണ്ട്. അത്തരത്തിൽ സമൂഹ മാധ്യമങ്ങളിൽ നിറഞ്ഞുനിൽക്കുന്നതാണ് നടി സുഹാസിനി പങ്കുവെച്ച പുതിയ ചിത്രങ്ങൾ. ഞങ്ങൾ വീണ്ടും കണ്ടുമുട്ടുന്നു,ഞങ്ങളുടെ പ്രിയ ഗാങ്, എങ്കിലും പലരെയും കാണാനില്ല. എന്ന് പറഞ്ഞുകൊണ്ട് ആണ് സുഹാസിനി സുഹൃത്തുക്കൾക്കൊപ്പം ഉള്ള ചിത്രങ്ങൾ പങ്കുവെക്കുന്നത്. ചിത്രത്തിൽ മലയാളത്തിലെ നിറസാന്നിധ്യമായിരുന്നു നടൻ റഹ്മാൻ, സരിത, ഖുശ്ബു, സുകന്യ, രാധിക ശരത് കുമാർ, തുടങ്ങിയവർ ഉണ്ടായിരുന്നു.
80കളിലെ മലയാളികളുടെ പ്രിയ താരങ്ങളെ ഒന്നിച്ച് ഒരു ഫ്രെയിമിൽ കണ്ട സന്തോഷത്തിലാണ് ആരാധകർ. ഒരുകാലത്ത് സിനിമകളിലെ നായിക കഥാപാത്രങ്ങൾ വളരെ മനോഹരമായി അവതരിപ്പിച്ച ഈ താരങ്ങളിൽ പലരും ഇന്ന് അഭിനയ മേഖലയിൽ സജീവമല്ല. എന്നാൽ എന്നും സിനിമയിൽ വളരെ സജീവമായി തന്നെ തുടരുകയാണ് സുഹാസിനി. മരക്കാർ അറബിക്കടലിന്റെ സിംഹം എന്ന സിനിമയിലും സുഹാസിനി ഭാഗമായി. തനിക്ക് കിട്ടുന്ന ഏതൊരു കഥാപാത്രത്തെയും നിഷ്പ്രയാസം ആരാധകരിലേക്ക് എത്തിക്കാൻ താരത്തിന് സാധിക്കാറുണ്ട്.
അതുകൊണ്ടുതന്നെ സുഹാസിനിയെ മലയാളി പ്രേക്ഷകർ ഇരുകൈയും നീട്ടിയാണ് സ്വീകരിക്കുന്നത്. താരം ജീവൻ നൽകിയ ഓരോ കഥാപാത്രങ്ങളെയും ഇന്നും ഒത്തിരി സന്തോഷത്തോടെയാണ് ആരാധകർ ഓർക്കുന്നത്. സുഹാസിനി തന്റെ ഇൻസ്റ്റാഗ്രാം അക്കൗണ്ടിലൂടെ പങ്കുവെച്ച് ഈ അമൂല്യനിമിഷങ്ങൾ പുറത്തുവന്നതോടെ നിരവധി പേരാണ് ലൈക്കുകളും ഒപ്പം തന്നെ ഒട്ടനേകം കമന്റുകളുമായി രംഗത്തെത്തുന്നത്.
View this post on Instagram
