പോഷകങ്ങളുടെ കലവറയാണ് ഈന്തപ്പഴം. ഈന്തപ്പഴം കഴിക്കാൻ ഇഷ്ടമില്ലാത്തവർ വളരെ കുറവായിരിക്കും. അറേബ്യൻ രാജ്യങ്ങളിൽ ഒക്കെ വളരെ പ്രചാരമുള്ള ഒരു പഴം കൂടിയാണിത്. ധാരാളം പോഷകങ്ങളാൽ സമ്പന്നമായ ഇത് നിരവധി ആരോഗ്യ പ്രശ്നങ്ങൾക്കുള്ള പരിഹാരം കൂടിയാണ്. രക്തത്തിലെ ഹീമോഗ്ലോബിന്റെ അളവ് വർദ്ധിപ്പിക്കുവാൻ ഏറെ സഹായിക്കുന്നതുകൊണ്ടുതന്നെ വിളർച്ച പോലുള്ള പ്രശ്നങ്ങൾ അകറ്റുന്നതിനും മികച്ച ഭക്ഷണമാണ് ഈന്തപ്പഴം.
ഊർജ്ജനില മെച്ചപ്പെടുത്തുവാനും ഏറെ ഗുണം ചെയ്യുന്നു. ഉറക്കക്കുറവ് കൊണ്ട് ബുദ്ധിമുട്ടുന്നവർക്ക് ദിവസവും ഈന്തപ്പഴം കഴിക്കുന്നത് മികച്ച ഉറക്കം ലഭിക്കുവാൻ സഹായിക്കും. രാത്രി ഉറങ്ങുന്നതിന് ആവശ്യമായ മെലറ്റോനിൻ എന്ന ഹോർമോൺ പുറത്തിറക്കുവാൻ ഇത് സഹായകമാകുന്നു. അണുബാധകളോട് പോരാടാനും അലർജിയെ ചികിത്സിക്കുവാനും ഏറെ ഉത്തമമാണ് ഈന്തപ്പഴം ദിവസവും കഴിക്കുന്നത്.
ധാരാളമായി കാർബോഹൈഡ്രേറ്റുകൾ അടങ്ങിയിട്ടുള്ളത് കൊണ്ട് തന്നെ വ്യായാമ പ്രകടനം വർദ്ധിപ്പിക്കുവാൻ കഴിയും. ശരീരഭാരം വർദ്ധിപ്പിക്കാതെ ഊർജ്ജനില നിലനിർത്തുന്നു. ദിവസവും ഇത് കഴിക്കുന്നതിലൂടെ ധാരാളം നാരുകൾ ശരീരത്തിലേക്ക് എത്തുന്നു ഇത് മലബന്ധം, അസിഡിറ്റി എന്നിവ പരിഹരിക്കുവാൻ ഏറെ ഗുണം ചെയ്യും. രാവിലെ വെറും വയറ്റിൽ കഴിക്കുന്നതാണ് ഏറ്റവും ഉത്തമം. ഇരട്ടി ഗുണങ്ങൾ ലഭിക്കുവാൻ ഇങ്ങനെ ചെയ്തു നോക്കുക.
ഹീമോഗ്ലോബിൻ അളവ് കുറവാണെങ്കിൽ ഉച്ചഭക്ഷണത്തിനുശേഷം കഴിക്കുക. ഇതിൽ അടങ്ങിയിരിക്കുന്ന ആൻറി ഓക്സിഡന്റുകൾ കാൻസർ പോലുള്ള മാരകരോഗങ്ങൾ വരാതെ തടയുന്നു. കൂടാതെ ഇതിൽ ധാരാളമായി വിറ്റാമിനുകളും ധാതുക്കളും എല്ലാം ഉണ്ട് ഇവ ചർമ്മത്തിനും മുടിക്കും ഏറെ നല്ലതാണ്. ലിവറിലെ ടോക്സിനുകളെ നീക്കം ചെയ്യുന്നതിനും ലിവർ ശുദ്ധിയാക്കുന്നതിനും ഫാറ്റി ലിവർ പോലുള്ള പ്രശ്നങ്ങൾക്ക് പരിഹാരമാകാനും ഈന്തപ്പഴത്തിന് സാധിക്കും. ഇതിൻറെ കൂടുതൽ ഗുണങ്ങൾ അറിയുന്നതിനായി വീഡിയോ മുഴുവനായും കാണുക.
