പരിചയപ്പെടുത്തലുകൾ ഒട്ടും തന്നെ ആവശ്യമില്ലാത്ത മലയാളികളുടെ യുവ നടന്മാരാണ് ദുൽഖർ സൽമാനും നിവിൻ പോളിയും. വളരെ ചുരുങ്ങിയ കാലത്തിനുള്ളിൽ ഇരുവരും നിരവധി ആരാധകരെയാണ് സ്വന്തമാക്കിയത്. അഞ്ജലി മേനോൻ സംവിധാനം ചെയ്ത ബാംഗ്ലൂർ ഡേയ്സ് എന്ന സിനിമയിലൂടെ ഇരുവരുടെയും കൂട്ടുകെട്ട് വളരെയധികം ആസ്വദിച്ചവരാണ് മലയാളി പ്രേക്ഷകർ. അർജുന്റെ കുട്ടൻസ് ആയ് മലയാളികൾക്ക് മുൻപിൽ ഇരുവരും എത്തിയപ്പോൾ സിനിമ സൂപ്പർ ഹിറ്റ് ആയി മാറി എന്ന് പറയാം.
ഈ സിനിമയിൽ ഇവർക്ക് ഒപ്പം എത്തുന്ന നസ്രിയയും, ഫഹദും, പാർവതിയും തുടങ്ങി എല്ലാവരും തന്നെ മികച്ച അഭിനയം കാഴ്ചവച്ച് പ്രേക്ഷക മനസ്സിൽ ഇടം നേടുകയായിരുന്നു. ഇപ്പോഴിതാ സമൂഹ മാധ്യമങ്ങളിൽ നിറഞ്ഞുനിൽക്കുന്നത് കുട്ടൻ എന്ന കഥാപാത്രത്തെ അതിമനോഹരമായ് അഭിനയിച്ച നിവിൻ പോളിയുടെ ചിത്രങ്ങളാണ്. കഴിഞ്ഞ ദിവസങ്ങളിൽ ആയിരുന്നു താരത്തിന്റെ പിറന്നാൾ ഗംഭീരമായ് ആഘോഷിച്ചത്.നിരവധി താരങ്ങളും ആരാധകരും ആശംസകൾ ആയി രംഗത്തെത്തിയപ്പോൾ പ്രേക്ഷകശ്രദ്ധ കൂടുതൽ ആകർഷിച്ചത് ദുൽഖർ സൽമാൻ ഇൻസ്റ്റഗ്രാമിൽ പോസ്റ്റ് ചെയ്ത ചിത്രങ്ങളാണ്.
ഹാപ്പി ബർത്ത് ഡേ കുട്ടൻസ് എന്ന് പറഞ്ഞാണ് ദുൽഖർ ചിത്രങ്ങൾ പങ്കുവയ്ക്കുന്നത്. ഇരുവരുടെയും ഒന്നിച്ചുള്ള ചിത്രങ്ങൾ പുറത്തുവന്നതോടെ ആരാധകർ സെക്കൻഡുകൾക്കുള്ളിൽ സോഷ്യൽ മീഡിയയിൽ വൈറൽ ആക്കി മാറ്റുകയായിരുന്നു. ബാംഗ്ലൂർ ഡേയ്സ്, വിക്രമാദിത്യൻ, അഞ്ചു സുന്ദരികൾ എന്നിങ്ങനെ വളരെ ചുരുക്കം സിനിമകളിലാണ് ഇരുവരും ഒന്നിച്ച് അഭിനയിച്ചിട്ടുള്ളൂ എങ്കിലും ദുൽഖറും നിവിനും ഒന്നിച്ച് എത്തുന്ന ഏതൊരു നിമിഷവും ആരാധകർക്ക് ഏറെ പ്രിയമുള്ളതാണ്.
അതുകൊണ്ടുതന്നെ ഇരുവരുടെയും ചിത്രങ്ങൾ പുറത്തുവന്നതോടെ ആരാധകർ ഒത്തിരി സന്തോഷത്തോടെ ഏറ്റെടുക്കുകയായിരുന്നു.ബാംഗ്ലൂർ ഡെയ്സിൻറെ സമയത്ത് തുടങ്ങിയ സൗഹൃദം അവർ ഇന്നും ഒരുപോലെ തന്നെ സൂക്ഷിക്കുന്നു. ബാംഗ്ലൂർ ഡെയ്സിൽ ഇവർ ഉണ്ടാക്കിയ ഓളം പോലെ ഇനിയും ഇവർ ഒന്നിച്ചുള്ള സിനിമയ്ക്ക് ആയാണ് മലയാളി പ്രേക്ഷകർ കാത്തിരിക്കുന്നത്. നിരവധി പേരാണ് ഇരുവരുടെയും ഈ ചിത്രങ്ങൾക്ക് ലൈക്കുകളും കമന്റുകളുമായി രംഗത്തെത്തുന്നത്. ഒപ്പം തന്നെ നിവിൻ പോളിക്ക് പിറന്നാൾ ആശംസകൾളും ആരാധകർ നേരുന്നു.
