Patch’s first Onam : ഒരു കാലത്ത് മലയാള മിനി സ്ക്രീനിൽ നിറ സാന്നിധ്യമായിരുന്ന താരമാണ് ഡിമ്പിൾ റോസ്. മിനി സ്ക്രീനിൽ താരം ഇപ്പോൾ അത്ര സജീവം അല്ലെങ്കിലും ഡിംപിൾ മലയാളികളുടെ ഇടയിൽ തന്റേതായ സ്ഥാനം പിടിച്ച നായികയാണ്. വിവാഹശേഷം അഭിനയ ജീവിതത്തിൽ നിന്നും തീർത്തും അകന്നു നിന്ന താരം കുടുംബത്തോടൊപ്പം സന്തുഷ്ടമായ ജീവിതം നയിക്കുകയാണ്. ഒപ്പം തന്നെ മാതൃത്വത്തിന്റെ ഓരോ സുന്ദര നിമിഷങ്ങളും ആസ്വദിക്കുകയും ചെയ്യുന്നു.
മിനി സ്ക്രീനിൽ സജീവം അല്ലെങ്കിലും താരം തന്റെ എല്ലാ വിശേഷങ്ങളും സമൂഹ മാധ്യമങ്ങളിലൂടെ ആരാധകർക്കൊപ്പം പങ്കുവെക്കാറുണ്ട്. സോഷ്യൽ മീഡിയയിൽ സജീവമായ താരം സ്വന്തം യൂട്യൂബ് ചാനലിലൂടെ ആണ് വിശേഷങ്ങൾ പങ്കുവെക്കുന്നത്. നിരവധി പേരാണ് താരത്തിന് ആരാധകരായ ഉള്ളത്. ഇപ്പോൾ ഇതാ താരം തന്റെ യൂട്യൂബ് ചാനലിൽ ആരാധകർക്കായി പങ്കുവെച്ച വീഡിയോ ആണ് സമൂഹ മാധ്യമങ്ങളിൽ തരംഗം സൃഷ്ടിച് മുന്നേറി കൊണ്ടിരിക്കുന്നത്. വീഡിയോയിൽ ഡിംപിൾ റോസിന്റെ ഓണ വിശേഷങ്ങളാണ് പങ്കുവെക്കുന്നത്.
പാച്ചുവിന്റെ ആദ്യത്തെ ഓണം എന്നു പറഞ്ഞാണ് താരം വീഡിയോ പങ്കുവെച്ചിരിക്കുന്നത്. പാച്ചുവിന്റ ആദ്യത്തെ ഓണം ആയതുകൊണ്ട് തന്നെ എല്ലാവരും വളരെ സന്തോഷത്തിലാണ്. കഴിഞ്ഞ തവണ കുഞ്ഞു പാച്ചുവിന്റെ ആദ്യ ഓണം ആയിരുന്നെങ്കിലും അവൻ ഒപ്പം ഉണ്ടായിരുന്നില്ല, എല്ലാവരും ഹോസ്പിറ്റലിൽ ആയിരുന്നുവെന്നും താരം പറയുന്നു.
വിഡിയോയിൽ കുടുംബത്തോട് ഒന്നിച്ച് ഓണം ആഘോഷിക്കുന്നതും ഒരുമിച്ചിരുന്ന് ഭക്ഷണം കഴിക്കുന്നതും, പാച്ചുവിൻറെ കുറുമ്പുകളും കുസൃതികളും തുടങ്ങി താരത്തിന്റെയും കുടുംബത്തിന്റെയും രസകരമായ നിമിഷങ്ങളാണ് ആരാധകർക്കായി ഒരുക്കിയിരിക്കുന്നത്. നിരവധി പേരാണ് താരത്തിന്റെ ചിത്രങ്ങൾക്കും വീഡിയോകൾക്കും ലൈക്കും കമന്റുകളും നൽകുന്നത്. ഒപ്പം ഓണാശംസകളും താരത്തിനും കുടുംബത്തിനും നേരുന്നുണ്ട്.
