എവിർഗ്രീൻ റൊമാന്റിക് ഹീറോ ആയ ചാക്കോച്ചന്റെ വ്യത്യസ്തമായ കഥാപാത്രം സമ്മാനിച്ച സിനിമയാണ് ‘ന്നാ താൻ കേസ് കൊട് ‘. സിനിമ പോലെ തന്നെ ചിത്രത്തിന്റെ പേരും വളരെയധികം വ്യത്യസ്തമാണ്. രതീഷ് ബാലകൃഷ്ണൻ പൊതുവാൾ സംവിധാനം ചെയ്ത ഈ സിനിമ ഓഗസ്റ്റ് മാസം 11നാണ് പുറത്തിറങ്ങുന്നത്. ഗായത്രി, കുഞ്ചാക്കോ ബോബൻ, രാജേഷ് മാധവൻ, ബേസിൽ ജോസഫ് തുടങ്ങി നിരവധി പേരാണ് ഈ സിനിമയിൽ വേഷമിടുന്നത്. പ്രേക്ഷകരിൽ നിന്നും വളരെ നല്ല അഭിപ്രായങ്ങളാണ് ഈ സിനിമയ്ക്ക് ലഭിച്ചത് ഒപ്പം തന്നെ ചാക്കോച്ചനും.
സിനിമ ഇറങ്ങുന്നതിനു മുമ്പ് തന്നെ ഇതിലെ ചാക്കോച്ചന്റെ ദേവദൂതർ പാടി എന്ന ഗാനത്തിന് കളിച്ച ഡാൻസ് സമൂഹ മാധ്യമങ്ങളിൽ വൈറലായിരുന്നു. ഈ വീഡിയോ പുറത്തിറങ്ങിയതോടെ നിരവധി പേരാണ് സമൂഹ മാധ്യമങ്ങളിൽ നിന്നും ഏറ്റെടുത്തിരുന്നത്. സിനിമ പുറത്തിറങ്ങി ഇത്രയായിട്ടും താരത്തിന്റെ ഈ വീഡിയോക്ക് ഇപ്പോഴും ധാരാളം ആരാധകരാണ് ഉള്ളത്. ഇത്രയും കാലമുള്ള ചാക്കോച്ചന്റെ കഥാപാത്രങ്ങളിൽ നിന്നും തികച്ചും വ്യത്യസ്തമായിരുന്നു ‘ന്നാ താൻ കേസ് കൊട്’ സിനിമയിലെ വേഷവിധാനങ്ങൾ.
ഇപ്പോൾ ഇതാ ദേവദൂതർ പാടി എന്ന ഗാനത്തിന് വീണ്ടും ചുവട് വെച്ച് പ്രേക്ഷക ശ്രദ്ധ നേടിയിരിക്കുകയാണ് നടൻ കുഞ്ചാക്കോ ബോബൻ. സിനിമ ഇറങ്ങി 50 ദിവസം കഴിഞ്ഞതിന്റെ സന്തോഷത്തിലാണ് ചാക്കോച്ചൻ ഈ ഗാനത്തിന് വീണ്ടും ചുവടുവെക്കുന്നത്. താരത്തിന്റെ ഒപ്പം വീഡിയോയിൽ ഒരാൾ കൂടി പ്രത്യക്ഷപ്പെടുന്നുണ്ട്. അപ്പയുടെ ഒപ്പം ചുവടുവെക്കാൻ ഇസഹാക്കാണ് എത്തുന്നത്.
ചാക്കോച്ചന്റെ ഡാൻസിന് മകൻ താളം പിടിക്കുകയും അതിനിടയിൽ കുസൃതിയും കുറുമ്പും കാണിക്കുന്നതും കാണാൻ സാധിക്കും. താരത്തിന്റെ ഈ രസകരമായ വീഡിയോയ്ക്ക് നിരവധി പേരാണ് കമന്റുകളുമായി രംഗത്തെത്തുന്നത്. ദേവദൂതർ പാടി എന്ന ഗാനത്തിന് ചാക്കോച്ചൻ ചുവട് വയ്ക്കുമ്പോൾ നൽകിയ അതേ പിന്തുണ തന്നെയാണ് ഈ വീഡിയോയിൽ ഇസഹാക്കിനും ലഭിക്കുന്നത്.
View this post on Instagram
