മലയാളി പ്രേക്ഷകർക്ക് പരിചയപ്പെടുത്തലുകൾ ആവശ്യമില്ലാത്ത താര കുടുംബമാണ് ജയറാം പാർവതി ദമ്പതികളുടെത്. ഏവരുടെയും പ്രിയതാര കുടുംബം ആയതുകൊണ്ട് തന്നെ ഇവരുടെ ഏതൊരു വാർത്തയും വിശേഷങ്ങളും സെക്കൻഡുകൾക്കുള്ളിൽ ആണ് ആരാധകർ ഏറ്റെടുക്കാറുള്ളത്. കുറച്ചു ദിവസങ്ങൾക്കു മുമ്പ് ജയറാം പങ്കു വയ്ക്കുന്ന ചിത്രങ്ങളാണ് ആരാധകർ ഏറ്റെടുക്കുന്നത്. ജയറാം ഭാര്യ പാർവതി മകളായ മാളവിക എന്നിവർക്കൊപ്പം ഒരു അതിഥി കൂടി എത്തിയ ചിത്രമാണ് സമൂഹ മാധ്യമങ്ങളിൽ പോസ്റ്റ് ചെയ്തത്.
ജയറാമിന്റെ ചെന്നൈയിലുള്ള വീട്ടിലേക്ക് ക്രിക്കറ്റ് പ്ലെയർ ആയ സഞ്ജുവും ഭാര്യ ചാരുലതയും കാണാൻ എത്തുകയും അവരോടൊപ്പം ഒന്നിച്ച സമയം ചെലവഴിക്കുകയും ചെയ്യുന്ന വളരെ മനോഹരമായ നിമിഷങ്ങളാണ് ആരാധകർക്കായി പങ്കുവെച്ചത്. കുറച്ച് നാളുകൾക്കു ശേഷം ക്രിക്കറ്റ് താരമായ സഞ്ജു സാംസണും ചാരുലതയും നടൻ ജയറാമിന്റെ കുടുംബത്തെ കാണാൻ എത്തിയ ചിത്രങ്ങൾ പുറത്തുവന്നതോടെ ആരാധകർ സെക്കൻഡുകൾക്കുള്ളിൽ സോഷ്യൽ മീഡിയയിൽ വൈറൽ ആക്കി മാറ്റുകയായിരുന്നു.
പ്രതീക്ഷിക്കാത്ത അതിഥി ഉച്ചഭക്ഷണത്തിന് വീട്ടിലെത്തി. സഞ്ജു, ചാരു ഈ നിമിഷം ഞങ്ങളുടെ അഹങ്കാരം എന്ന ക്യാപ്ഷനുമായാണ് ജയറാം ചിത്രങ്ങൾ ഫേസ്ബുക്കിൽ പോസ്റ്റ് ചെയ്തത്. ഇത്രയും സന്തോഷകരവും ആത്മാർത്ഥവും സ്നേഹമുള്ളതുമായ കുടുംബം. ഞങ്ങളുടെ സ്വന്തം ജയറാം ചേട്ടനും കുടുംബവുമൊത്ത് നല്ല സമയം ആസ്വദിച്ചു എന്ന് പറഞ്ഞു കൊണ്ടാണ് ഇതേ ചിത്രങ്ങൾ സഞ്ജുവും ഇൻസ്റ്റഗ്രാമിൽ പോസ്റ്റ് ചെയ്യുന്നത്. ഇവരുടെ ഈ ചിത്രങ്ങൾ പുറത്തുവന്നതോടെ നിരവധി പേരാണ് കമന്റുകളുമായി രംഗത്തെത്തുന്നത്.
ചിത്രത്തിൽ കാളിദാസനെ കാണാനില്ലെന്നും, കാളിദാസും കൂടി ഉണ്ടെങ്കിൽ ഫാമിലി ഫോട്ടോ ഒന്നുകൂടി ഉഷാറായേനെ എന്നും കമന്റുകളിലൂടെ ആരാധകർ അറിയിക്കുന്നു. ക്രിക്കറ്റ് പ്ലേയർ ആയ സഞ്ജുവും മലയാളികളുടെ പ്രിയനടനായ ജയറാമേട്ടനും ഒന്നിച്ചെത്തിയ ഈ ചിത്രങ്ങൾ കണ്ടപ്പോൾ ആരാധകർ ആവേശത്തിൽ ആവുകയായിരുന്നു. ഇവരുടെ ഈ ചിത്രങ്ങൾ പോസ്റ്റ് ചെയ്ത നിമിഷം തൊട്ട് ലക്ഷക്കണക്കിന് ലൈക്കുകൾ ആണ് കിട്ടിക്കൊണ്ടിരിക്കുന്നത്.
View this post on Instagram
