മലയാളികൾക്ക് സുപരിചിതനായ നടനാണ് രഞ്ജിത്ത് മേനോൻ. ഗോൾ എന്ന സിനിമയിലൂടെ അഭിനയ ജീവിതത്തിന് അരങ്ങേറ്റം കുറിക്കുകയായിരുന്നു ഈ നടൻ. തന്റെ ആദ്യ സിനിമയിലൂടെ തന്നെ മലയാളികളുടെ മനം കവരാൻ രഞ്ജിത്തിന് നിഷ്പ്രയാസം സാധിച്ചു. വളരെ ചുരുങ്ങിയ സമയം കൊണ്ടാണ് രഞ്ജിത്ത് മലയാളികളുടെ പ്രിയനടനായി മാറിയത്. അതുകൊണ്ടുതന്നെ ഈ താരത്തിന്റെ ഏതൊരു വിശേഷവും വാർത്തയും വളരെ പെട്ടെന്ന് ആരാധകർക്കിടയിൽ ഇടം പിടിക്കാറുണ്ട്.
അത്തരത്തിൽ സമൂഹമാധ്യമങ്ങളിൽ ഇപ്പോൾ നിറഞ്ഞുനിൽക്കുന്നതാണ് രഞ്ജിത്ത് പങ്കുവെക്കുന്ന പുതിയ ചിത്രങ്ങൾ. ഇൻസ്റ്റഗ്രാമിൽ കൂടിയാണ് രഞ്ജിത്ത് തന്റെ സന്തോഷവാർത്ത ആരാധകരെ അറിയിച്ചിരിക്കുന്നത്. രഞ്ജിത്തിന് ഒരു പെൺകുട്ടി ജനിച്ചിരിക്കുന്നു എന്ന സന്തോഷ വാർത്തയാണ് ആരാധകരുമായി പങ്കുവയ്ക്കുന്നത്. കഴിഞ്ഞ ദിവസത്തിലായിരുന്നു താരത്തിന്റെ ഭാര്യ ശ്രുതി ഒരു പെൺകുഞ്ഞിന് ജന്മം നൽകിയത്. ഇതിന്റെ ചിത്രങ്ങളാണ് ഇപ്പോൾ സോഷ്യൽ മീഡിയയിൽ നിറഞ്ഞുനിൽക്കുന്നത് എന്ന് പറയാം. 2018 ൽ ആയിരുന്നു രഞ്ജിത്തിന്റെ വിവാഹം ശ്രുതിയുമായി നടക്കുന്നത്.
സമൂഹമാധ്യമങ്ങളിൽ സജീവമാണെങ്കിലും താരം കുടുംബവുമായുള്ള ചിത്രങ്ങളും വിശേഷങ്ങളും ഒന്നും തന്നെ പങ്കുവെക്കാറില്ല. എന്നാൽ കഴിഞ്ഞ ദിവസങ്ങളിൽ പങ്കുവെച്ച താരത്തിന്റെ ഈ വാർത്ത കേട്ട് ആദ്യം ഞെട്ടിയെങ്കിലും പിന്നീട് ഒരുപാട് സന്തോഷത്തിൽ ആവുകയായിരുന്നു മലയാളി പ്രേക്ഷകർ. ഗർഭകാലം മുതൽ സോഷ്യൽ മീഡിയയിൽ പങ്കുവയ്ക്കുന്ന പല താരങ്ങൾക്കും ഇടയിൽ രഞ്ജിത്ത് മേനോൻ വളരെ വ്യത്യസ്തനാവുകയാണ്. രഞ്ജിത്തിന്റെ ചിത്രങ്ങൾ പുറത്തുവന്നതോടെ നിരവധി പേരാണ് കമന്റുകളും ലൈക്കുകളുമായി രംഗത്തെത്തുന്നത്.
ഉണ്ണി മുകുന്ദൻ, ആര്യ ബഡായി, മൃദുല മുരളി തുടങ്ങി ഒട്ടനേകം താരങ്ങളും ആരാധകരുമാണ് രഞ്ജിത്ത് മേനോന് ആശംസകളുമായി രംഗത്തെത്തുന്നത്. ഗോൾ എന്ന സിനിമയ്ക്ക് ശേഷം ഓർക്കുക വല്ലപ്പോഴും ഹോളിഡേയ്സ് സെവൻസ് ഡോക്ടർ ലവ് തുടങ്ങി ഒട്ടനേകം സിനിമകളിൽ ഭാഗമാവാൻ രഞ്ജിത്തിന് സാധിച്ചു. വന്നെത്തും മുൻപേ എന്ന സിനിമയാണ് താരം ഏറ്റവും അവസാനമായി മലയാളത്തിൽ അഭിനയിച്ചിരിക്കുന്നത്. ഒരു ഇടവേളയ്ക്ക് ശേഷം ആണെങ്കിലും രഞ്ജിത്തിന്റെ മലയാള സിനിമയിലേക്കുള്ള തിരിച്ചുവരവിനായാണ് പ്രേക്ഷകർ കാത്തിരിക്കുന്നത്.
View this post on Instagram
