മലയാളികൾക്ക് സുപരിചിതയായ നടിയാണ് സ്മിനു സിജോ. വളരെ ചുരുങ്ങിയ സമയം കൊണ്ട് തന്നെ പ്രേക്ഷക ശ്രദ്ധ ആകർഷിച്ച ഈ താരം ഞാൻ പ്രകാശൻ എന്ന സിനിമയിലൂടെ ആണ് അഭിനയ മേഖലയിലേക്ക് നടത്തുന്നത്. പിന്നീട് കെട്ട്യോളാണ് എന്റെ മാലാഖ, യുവ, ഓപ്പറേഷൻ ജാവ, തുടങ്ങി നിരവധി സിനിമകളിൽ ഭാഗമാകാൻ താരത്തിന് സാധിച്ചു. നടി സ്മിനുവിന്റെ അഭിനയം കൊണ്ട് തന്നെ മലയാളി പ്രേക്ഷകർ ഇരു കൈയും നീട്ടിയാണ് ഈ താരത്തെ സ്വീകരിക്കുന്നത്.
നിരവധി ആരാധകരുള്ള ഈ താരത്തിന്റെ ഏതൊരു വിശേഷവും അറിയാൻ ഏറെ ആകാംക്ഷയോടെയാണ് ആരാധകർ കാത്തിരിക്കാറുള്ളത്. അത്തരത്തിൽ സമൂഹ മാധ്യമങ്ങളിൽ ഇടം പിടിച്ചിരിക്കുന്ന പുതിയ ചിത്രങ്ങളാണ് നടി സ്മിനുവിന്റേത്. മലയാളികളുടെ എക്കാലത്തെയും പ്രിയനടനായ ശ്രീനിവാസിന്റെ ഒപ്പം ചേർന്നുനിൽക്കുന്ന ചിത്രങ്ങളാണ് തന്റെ ഇൻസ്റ്റഗ്രാം അക്കൗണ്ട് വഴി പങ്കുവെക്കുന്നത്. നിരവധി ആരോഗ്യപ്രശ്നങ്ങൾ മൂലം ആശുപത്രിയിലായിരുന്ന നടൻ ശ്രീനിവാസിന്റെ തിരിച്ചുവരവിൽ സന്തോഷിച്ച് ശ്രീനിയേട്ടനെ കാണാൻ പോകുന്ന ചിത്രങ്ങളാണ് താരം പോസ്റ്റ് ചെയ്യുന്നത്.
‘ഈ സന്തോഷം എന്നും മായാതിരിക്കട്ടെ ശ്രീനിയേട്ടന്റെ തിരിച്ചുവരവിനായി പ്രാർത്ഥിച്ച എല്ലാവർക്കും സന്തോഷിക്കാനും കൂടിയാണ് ഈ ഫോട്ടോ ഇവിടെ പോസ്റ്റ് ചെയ്യുന്നത്. ചെറിയ ചില ആരോഗ്യപ്രശ്നങ്ങൾ ഒഴിച്ചാൽ ശ്രീനിയേട്ടൻ ഇന്ന് പൂർണ്ണ ആരോഗ്യവാനാണ്. ഇന്ന് ഞാൻ ശ്രീനിയേട്ടന്റെ വീട്ടിൽ പോയി സന്തോഷത്തോടെ എന്നെ കൈപിടിച്ച് സ്വീകരിച്ച വിമല ആന്റിയും കണ്ട ഉടനെ വിശേഷങ്ങൾ ചോദിച്ചറിഞ്ഞ ശ്രീനിയേട്ടനും.
പഴയ നർമ്മത്തിന് ഒട്ടും മങ്ങൽ ഏൽപ്പിക്കാത്ത ധ്യാൻ മോന്റെ ചെറുപ്പക്കാലത്തെ തമാശകളും ഇടയ്ക്ക് മാത്രം കാണിക്കുന്ന പക്വതകളും അഭിമാനത്തോടെ പറഞ്ഞു ചിരിക്കുന്ന ശ്രീനിയേട്ടനെയും ശ്രീനിയേട്ടന്റെയും മക്കളുടെയും നിഴലായി മാത്രം ജീവിക്കുന്ന വിമലാൻ്റിയുടെയും കൂടെ സമയം ചിലവഴിക്കാൻ പറ്റിയ നിമിഷങ്ങൾ എന്റെ ഏറ്റവും വലിയ അഭിമാന നിമിഷങ്ങളാണ്’. എന്നിങ്ങനെ പറഞ്ഞുകൊണ്ടാണ് സ്മിനു ചിത്രങ്ങൾ പങ്കുവെക്കുന്നത്. ഈ ചിത്രങ്ങൾ പുറത്ത് വന്നപ്പോൾ ഒത്തിരി സന്തോഷത്തോടെ ആണ് മലയാളികൾ നോക്കി കാണുന്നത്.
View this post on Instagram
