നിരവധിപേർ നേരിടുന്ന പ്രധാന പ്രശ്നമാണ് ഉപ്പൂറ്റി വേദന. പ്രായഭേദമന്യേ ഇന്ന് ഈ രോഗാവസ്ഥ വളരെ സാധാരണയായി കണ്ടുവരുന്നു. ഇത് ഉണ്ടാവുന്നതിനുള്ള കാരണങ്ങൾ പലതാണ്. അതിൽ ഏറ്റവും സാധാരണമായ ഒരു കാരണമാണ് പ്ലാൻഡാർ ഫെഷ്യന്റിസ്. ഒരു പാദത്തിന്റെയും അടിയിലൂടെ കടന്നുപോകുന്ന കാൽവിരലുകളുമായി ബന്ധിപ്പിക്കുന്ന ടിഷ്യൂവിൽ ഉണ്ടാകുന്ന വീക്കമാണ് ഇതിൻറെ കാരണം.
പ്ലാൻഡര്‍ ഫേഷ്യ ഒരു ഷോക്ക് അബ്സോർബർ ആയി പ്രവർത്തിക്കുകയും നമ്മുടെ പാദത്തിന്റെ കമാനത്തെ പിന്തുടരുകയും നടക്കാൻ സഹായിക്കുകയും ചെയ്യുന്നു. സാധാരണയായി കുത്തുന്ന വേദനയാണ് ഇതുമൂലം ഉണ്ടാവുന്നത്. രാവിലെ എണീക്കുമ്പോൾ തുടങ്ങുന്ന വേദന ചലിച്ചു തുടങ്ങുന്നതോടെ സാധാരണ ഗതിയിൽ കുറയുന്നു പക്ഷേ കുറേനേരം നിന്നതിന് ശേഷമോ ഇരുന്നതിനു ശേഷമോ അത് തിരികെ വന്നേക്കാം.
പ്ലാന്റാർ ഫേഷ്യ ലിഗമെന്റുകൾക്ക് ദൈനംദിന ജീവിതത്തിൽ ഒരുപാട് തേയ്മാനങ്ങൾ ഉണ്ടാവുന്നു. കഠിനമായ എക്സസൈസുകൾ ചെയ്യുന്നവർക്കും അമിതവണ്ണം ഉള്ളവർക്കും ആണ് ഈ പ്രശ്നം കൂടുതലായി നേരിടേണ്ടി വരുന്നത്. പാദങ്ങളിൽ അമിതമായ സമ്മർദ്ദം ഉണ്ടാവുമ്പോൾ അസ്ഥി ബന്ധങ്ങൾക്ക് കേടു വരുകയോ കീറുകയോ ചെയ്യുന്നു ഇത് പ്ലാന്റാർ ഫേഷ്യ വീക്കത്തിന് കാരണമാകും.
കുതികാലിന് അടിയിലോ ചിലപ്പോൾ മധ്യഭാഗത്ത് ആവും വേദന ഉണ്ടാവുക. ഇത് സാധാരണയായി ഒരു പാദത്തെ മാത്രമേ ബാധിക്കുകയുള്ളൂ. പുരുഷന്മാരെക്കാൾ കൂടുതൽ ഇത് സ്ത്രീകളിലാണ് കണ്ടുവരുന്നത്. തുടക്കത്തിൽ തന്നെ വേണ്ടവിധം ചികിത്സിക്കുകയാണെങ്കിൽ ഒരു പരിധിവരെ സങ്കീർണ്ണതകൾ ഒഴിവാക്കുവാൻ സാധിക്കും. ഇതിനെക്കുറിച്ച് കൂടുതൽ മനസ്സിലാക്കുന്നതിനായി വീഡിയോ കാണുക.
